Mae'r Gwasanaeth Cynghori ar Bensiynau (TPAS) yn sefydliad
gwirfoddol annibynnol a gynhelir gan grant gan yr Adran Gwaith a
Phensiynau. Mae TPAS yn rhoi gwybodaeth ac arweiniad i aelodau o'r
cyhoedd, gan gwmpasu cynlluniau'r Wladwriaeth, cwmni, personol a
chyfranddeiliaid. Rydym hefyd yn helpu unrhyw aelod o'r cyhoedd
sydd â phroblem, cwyn neu anghydfod gyda'u trefniant pensiwn
galwedigaethol neu breifat.
Mae ein gwasanaeth am ddim ac fe'i darperir gan rwydwaith
cenedlaethol o ymgynghorwyr gwirfoddol a gynhelir ac yr ychwanegir
atynt gan staff technegol a gweinyddol a leolir yn Llundain.
Mae TPAS yn gweithredu llinell gymorth genedlaethol ar:
0845 6012923.
Helpu gydag Anghydfodau.
Os ydych yn ceisio ein cymorth i ddatrys anghydfod neu gŵyn, yna
mae'n rhaid eich bod eisoes wedi ceisio gwneud hyn yn ysgrifenedig
gyda'r partïon cysylltiedig. Bydd angen copïau o'r ohebiaeth honno
arnom ac unrhyw ddogfennau perthnasol eraill. Fel arfer, anfonir y
ffeil achos at un o'n hymgynghorwyr gwirfoddol a fydd, drwy gymodi
a chyflafareddu, yn ceisio datrys y broblem os credant fod eich
cwyn neu'r anghydfod wedi'i gyfiawnhau.
Mae pob ymgynghorydd gwirfoddol yn weithiwr pensiwn proffesiynol
profiadol sy'n rhoi o'u hamser yn hael. Maent yn dod ag
annibyniaeth ac arbenigedd ar y materion dan sylw gyda'r nod o'u
datrys. Os nad ydynt yn ystyried bod hyn yn bosibl, byddant yn
argymell pa gamau gweithredu pellach y gallech eu cymryd.
Rhoi Gwybodaeth ac Arweiniad
Os ydych yn ceisio cyngor neu arweiniad cyffredinol, mae croeso
i chi gysylltu â ni.
Bydd y Gwasanaeth Cynghori ar Bensiynau yn:
- Ceisio datrys yr anghydfod neu'r gwyn sydd gennych;
- Rhoi gwybodaeth ac arweiniad i chi ar unrhyw gwestiwn
cyffredinol a allai fod gennych am unrhyw fater pensiwn;
- Eich cynghori am eich hawliau o ran eich cynlluniau pensiwn
galwedigaethol, personol neu gyfranddeiliaid;
- Ceisio sicrhau eich bod yn derbyn y budd-daliadau y mae hawl
gennych iddynt;
- Egluro ac esbonio unrhyw beth nad ydych yn ei ddeall am
fuddiannau eich pensiwn neu'r cynllun;
- Rhoi gwybodaeth gyffredinol ar weithdrefnau system pensiwn y
wladwriaeth;
- Eich cynghori o ran pwy y dylech gysylltu â hwy os nad yw eich
ymholiad yn briodol i'r Gwasanaeth Cynghori ar Bensiynau.
Ni all y Gwasanaeth Cynghori ar Bensiynau gynorthwyo:
- Os yw eich problem yn ymwneud â'ch swydd yn hytrach na'ch
pensiwn;
- Os ydych mewn anghydfod am Fudd-daliadau Nawdd Cymdeithasol
(gan gynnwys pensiynau'r Wladwriaeth);
- Os ydych am ei gael cyngor ar fuddsoddi ond gallwn egluro'r
opsiynau posibl;
- Os ydych am geisio newid rheolau trefniant pensiwn neu lobïo am
welliannau;
- Os yw'r Ombwdsmon Pensiynau eisoes wedi ymchwilio i'ch
cwyn;
- Os ydych eisoes wedi dechrau achos cyfreithiol.
Cynllun Iaith Gymraeg: 2009
Publications
